Оё "Азия плюс" мушкили техникӣ дорад?

 Илҳомҷон Атоев, муовини раиси Хадамоти алоқаи назди Ҳукумати Тоҷикистон мегӯяд, “Азия плюс”  мушкили техникӣ дорад. Дар ин бора ӯ 27 январ дар нишасти хабарии ин ниҳод гуфт. “Азия Плюс” мушкилоти техникӣ дорад. Мо мактуби онҳоро қабул кардем, мутахассисони мо кор мекунанд.  Аммо ҳамзамон мо мехостем, ки намояндагони «Азия-Плюс» ба назди мо оянд, то барои бартараф кардани мушкилоти  ҷойдошта якҷоя кор кунем” Ба гуфтаи Атоев  Хадамоти алоқа сайтҳоро мувофиқи қонунгузории Тоҷикистон, яъне бо қарори Суди Олӣ ва ӯҳдадориҳои байналмилалӣ дар назди кишварҳои шарик масдуд мекунад. Бояд ёдовар шуд, ки  29 ноябри соли 2018, вебсайти www.news.tj, маъруфтарин манбаи хабаргузории Тоҷикистон барои сокинони кишвар дастнорас шуд. Чунин бастани сайт давра ба давра пеш аз ин рух дода буд ва аз якчанд рӯз то ду моҳ давом меёфт.